Nýtt nám í jarðvirkjun hefst í haust
Nám í jarðvirkjun verður í fyrsta sinn í boði frá hausti 2021 í Tækniskólanum. Um er að ræða nám sem veitir innsýn í verkferla, tækni og atvinnulíf hjá jarðverktökum. Jarðvirkjar er nýtt starfsheiti yfir þá sem vinna hjá jarðverktökum við m.a. landmótun, mokstur, efnisflutning, jarðlagnavinnu, undirbúning vega, yfirborðsfrágang og sambærileg verk. Námið er ætlað fyrir þá sem hyggjast vinna í þessari starfsgrein og fyrir þá sem nú þegar eru starfandi þar.
Á vef Tækniskólans er hægt að fá upplýsingar um námið. ´