Framfarasjóður SI auglýsir eftir umsóknum
Fram til 10. september er hægt að senda inn umsóknir í Framfarasjóð Samtaka iðnaðarins en markmið sjóðsins er að styðja við og þróa framfaramál tengd iðnaði með áherslu á verkefni sem lúta að:
- Eflingu menntunar fyrir atvinnulífið með áherslu á iðn-, verk- og tækninám
- Nýsköpun sem styrkir framþróun í iðnaði
- Framleiðniaukningu með áherslu á skilvirkt rekstrarumhverfi
Umsóknir sendist á netfangið mottaka@si.is. Umsóknarfrestur er til og með 10. september. Með umsókn þarf að fylgja greinargóð lýsing á verkefninu, markmiðum þess og með hvaða hætti verkefnið samræmist markmiðum og leiðarljósum sjóðsins. Þá þarf að fylgja verkáætlun, fjárhagsáætlun og staðfesting á annarri fjármögnun ef það á við. Með umsókn þarf að fylgja staðfesting á því að umsækjendur hafi kynnt sér úthlutunarreglur sjóðsins og þá fyrirvara sem þar koma fram.
