Opin málstofa um nýsköpun í mannvirkjagerð
Húsnæðis- og mannvirkjastofnun, Samtök iðnaðarins, Byggingavettvangurinn og Verkís bjóða til opinnar málstofu föstudaginn 28. maí kl. 9.00-11.30 þar sem nýtt skipulag á rannsóknar- og nýsköpunarumhverfi byggingariðnaðarins verður kynnt auk þess sem fulltrúar úr allri virðiskeðju mannvirkjagerðar segja reynslusögur um nýsköpun innan byggingariðnaðarins: Hvaða nýsköpun er þar að finna? Hvað hefur gengið vel? Hvað má betur fara?
Í auglýsingu fyrir viðburðinn kemur fram að nýsköpun eigi sér stað á öllum stigum mannvirkjageirans, hvort sem það er við þróun byggingarefna, hönnun mannvirkja, fjármögnun þeirra, framkvæmdir eða rekstur, á stjórnsýslustigi eða við rannsóknir og nám.
Hægt verður að fylgjast með málstofunni á Facebook. Viðburðinum verður streymt á Vísi.
Dagskrá
- Sandra Hlíf Ocares, verkefnastjóri Byggingavettvangsins: Vinna við nýtt skipulag á rannsóknum og nýsköpun í byggingariðnaði
- Steypustöðin: 3D prentun á steypu.
- Sigurður Guðjónsson, forstöðumaður byggingardeildar: Íslenskt timbur í framleiðslu á límtrésbitum.
- Gylfi Gíslason, framkvæmdastjóri Jáverk: Nýsköpun í byggingariðnaði með áherslu á umhverfismál.
- Davíð Friðgeirsson, BIM ráðgjafi hjá Verkís: Tæknibylting í hönnun mannvirkja.
- Helga Guðrún Vilmundardóttir, arkitekt hjá Stáss arkitektum: Nýsköpun í hönnun.
- Íris Þórarinsdóttir, umhverfisstjóri þróunarsviðs hjá Reitum: Nýsköpun í uppbyggingu atvinnusvæðis.hjá Reitum: Nýsköpun í uppbyggingu atvinnusvæðis.
- Framkvæmdasýsla ríkisins: Reynslusaga um nýsköpun.
- Þormóður Sveinsson, skipulagsfulltrúi Hafnarfjarðar: Reynsla sveitarfélags við nýsköpun í framkvæmdum og umsýslu mannvirkjagerðar.
- Arion banki: Nýsköpun og fjármögnun.
Fundarstjóri er Jóhanna Klara Stefánsdóttir, sviðsstjóri mannvirkjasviðs Samtaka iðnaðarins.
Viðburðurinn verður haldinn í stóra fyrirlestrasalnum í Grósku hugmyndahúsi, Bjargargötu 1, Vatnsmýrinni. Vegna fjöldatakmarkanna getum við tekið á móti um 40 skráðum þátttakendum. Skráning á viðburðinn fer fram hér.
Einnig verður hægt að horfa á streymi frá viðburðinum hér á Facebook-síðu hans.
Viðburðurinn er hluti af Nýsköpunarvikunni, nýrri hátíð í Reykjavík sem fer fram dagana 26. maí -2. júní 2021. Frumkvöðlum og fyrirtækjum gefst tækifæri á að kynna þá skapandi starfsemi sem á sér stað á degi hverjum, opna dyrnar fyrir gestum og gangandi og vekja athygli á þeim framúrstefnulegu lausnum sem hafa sprottið upp úr íslensku hugviti.
Nánar á www.nyskopunarvikan.is
