Opnað fyrir umsóknir um styrki til iðnnáms
Opnað hefur verið fyrir umsóknir um styrki úr Hvatningarsjóði iðnnema sem er samstarfsverkefni Kviku og Samtaka iðnaðarins. Allar upplýsingar um hverjir geta sótt um styrk og hvað fylgja þurfi með umsókn má finna í úthlutunarreglum sjóðsins á vef Kviku. Umsóknarfrestur er til 20. apríl næstkomandi og senda á umsóknir á netfangið idnnemar@kvika.is.
Hvatningarsjóðurinn hefur það að markmiði að efla umræðu og vitund um mikilvægi iðn- og starfsnáms og þýðingu starfa sem því tengjast fyrir íslenskt atvinnulíf. Sérstök áhersla er lögð á að auka hlutfall kvenna og eru konur sérstaklega hvattar til að skoða þau tækifæri sem bjóðast. Á vefnum nemahvad.is er hægt að skoða hvaða nám er í boði.
Kvika hefur látið útbúa auglýsingar undir slagorðinu Láttu hlutina gerast og sýna iðnnema með einn hlut sem þau hafa ýmist búið til eða tengist náminu þeirra.
Lára Guðnadóttir er nemi í vélstjórn í Verkmenntaskólanum á Akureyri.
Hallgrímur Þorgilsson er nemi í húsamíði í Fjölbrautarskóla Suðurlands.
Þóra Kolbrún Jóhannsdóttir er nemi í vélstjórn í Verkmenntaskólanum á Akureyri.
Örn Arnarson er nemi í vélstjórn í Verkmenntaskólanum á Akureyri.
Vala Alvilde Berg er nemi í rafvirkjun í Verkmenntaskólanum á Akureyri.
