Örnámskeið um Svansvottaðar byggingaframkvæmdir
Iðan í samvinnu við gæðastjóra í bygginga- og mannvirkjagerð innan SI efna til örnámskeiðs miðvikudaginn 17. janúar kl. 8.30-9.30 í Iðunni í Vatnagörðum 20 þar sem umfjöllunarefnið er Svansvottaðar framkvæmdir – reynsla verktaka.
Sigrún Melax, gæðastjóri hjá Jáverk, og Guðrún Ólafsdóttir, öryggis- og gæðastjóri hjá Byggingarfélagi Gylfa og Gunnars, munu flytja stutt erindi. Þær segja frá reynslu af Svansvottuðum verkefnum sem fyrirtækin hafa farið í gegnum og fara yfir helstu áskoranir og lærdóm sem hlotist hefur af þeim.
Námskeiðið er þátttakendum að kostnaðarlausu. Þau sem vilja fylgjast með námskeiðnu á Teams skrá sig í fjarnám.
Hér er hægt að skrá sig.