Pípulagningameistarar innan SI funda með sérfræðingum HMS
Pípulagningameistarar innan Samtaka iðnaðarins sátu fund með Húsnæðis- og mannvirkjastofnun, HMS, á dögunum í Húsi atvinnulífsins.
Á fundinum tók Þórunn Sigurðardóttir, framkvæmdastjóri sviðs mannvirkja og sjálfbærni hjá HMS, fyrir rafmagnseftirlit stofnunarinnar og sköpuðust fjörugar umræður í kjölfar og á meðan á erindinu stóð. Smári Freysson, sérfræðingur hjá HMS, fór yfir hugmyndir og stefnur að breyttu byggingareftirliti. Fundarmenn komu fjölmörgum gagnlegum punktum á framfæri og vörpuðu ljósi á skoðanir sinnar iðngreinar.
