Rafrænn fundur SI um stöðuleyfisgjald
Samtök iðnaðarins bjóða félagsmönnum á rafrænan fund miðvikudaginn 11. nóvember kl. 12.00-13.00 um nýfallin úrskurð Úrskurðarnefndar umhverfis- og auðlindamála um álagningu stöðuleyfisgjalda í Hafnarfirði þar sem felld var úr gildi álagning stöðuleyfisgjalda vegna gáma á iðnaðarlóð. Niðurstaða úrskurðarins var að skipulögð gámasvæði á iðnaðarlóð teljist vera „svæði sem sérstaklega eru skipulögð og ætluð til“ geymslu gáma. Fundarstjóri er Steinunn Pálmadóttir, lögfræðingur SI.
Dagskrá
- Björg Ásta Þórðardóttir, yfirlögfræðingur SI, fer yfir framkvæmd stöðuleyfisgjalda og forsögu málsins.
- Jón Auðunn Jónsson, hrl., fer yfir niðurstöðu nýfallins úrskurðar úrskurðarnefndar umhverfis- og auðlindamála nr. 34/2020 um stöðuleyfisgjald.
- Í lokin verður opnað fyrir spurningar.
Hér er hægt að skrá sig og fá þeir sem skrá sig sendan hlekk á fundinn.