Fjölmargir rafverktakar á öllu landinu hafa sýnt áhuga á átaksverkefni stjórnvalda „Sumarstörf námsmanna 2021“ en verja á um 2,4 milljörðum króna í átaksverkefnið til að fjölga tímabundnum störfum fyrir námsmenn í sumar. Rafmennt hefur auglýst pláss fyrir rafiðnaðarnema í sumarstörf í tengslum við átakið og viðtökurnar hafa verið góðar.
Á vef Rafmenntar er skráðum nemum í rafdeildum framhaldsskólanna sem ekki hafa fengið starf í sumar hjá rafverktaka bent á að senda inn umsókn til náms- og starfsráðgjafa Rafmenntar á netfangið almasif@rafmennt.is.
Helstu skilyrði sem iðnnemar verða að uppfylla eru:
- Iðnneminn verður að hafa verið skráður í nám á vorönn 2021.
- Ráðningartími iðnnemans er að hámarki tveir og hálfur mánuður. Miðað er við tímabilið frá 15. maí – 15. september.
- Iðnneminn þarf að vera 18 ára (á árinu) og eldri.
