Samtök iðnaðarins buðu 1.800 nemendum á Verk og vit
Samtök iðnaðarins og Verk og vit buðu hátt í 1.800 grunnskólanemendum í 10. bekk á stórsýninguna Verk og vit sem fór fram í Íþrótta- og sýningarhöllinni í Laugardal. Nemendur frá 42 grunnskólum víða um land kynntu sér fjölbreytta starfsemi fyrirtækja í bygginga- og mannvirkjaiðnaði. Hulda Birna Kjærnested Baldursdóttir, verkefnastjóri í mennta- og mannauðsmálum hjá SI, tók á móti nemendunum og sýndi þeim myndbönd um möguleika í iðn- og tækninámi áður en þau gengu um sýninguna.
Á Facebook SI er hægt að nálgast fleiri myndir.
Myndir/BIG
