Árlegur fundur fastanefndar samtaka málm- og véltæknifyrirtækja á Norðurlöndunum fór fram fyrir skömmu í Ilulissat á Grænlandi. Þar voru samankomnir stjórnendur og starfsmenn systursamtaka SI á Norðurlöndunum. Fundurinn er mikilvægur þáttur í að styrkja tengsl landanna og veita innsýn í stöðu fyrirtækja í starfsgreininni á Norðurlöndunum.
Fulltrúar SI á fundinum voru Guðrún Birna Jörgensen, viðskiptastjóri á framleiðslusviði SI, Guðlaugur Þór Pálsson, formaður Málms – samtaka fyrirtækja í málm- og skipaiðnaði og Helgi Guðjónsson, varaformaður Málms.
