Sérfræðingur frá FAO flytur erindi á matvælaráðstefnu
Sérfræðingur frá Matvæla- og landbúnaðarstofnun Sameinuðu þjóðanna (FAO) flytur fyrirlestur á ráðstefnu um sérstöðu og samkeppnisforskot í matvælaframleiðslu sem haldin verður miðvikudaginn 10. apríl kl. 10-12 á Hilton Reykjavík Nordica í sal H & I. Það er samstarfsvettvangur um Matvælalandið Ísland sem efnir til ráðstefnunnar en að vettvanginum standa Samtök iðnaðarins, Bændasamtök Íslands, Matís, Íslandsstofa, Samtök ferðaþjónustunnar, Samtök fyrirtækja í sjávarútvegi, Matarauður Íslands og Háskóli Íslands.
Ráðstefnustjóri er Erna Bjarnadóttir, hagfræðingur Bændasamtaka Íslands. Ráðstefnunni lýkur með hádegishressingu. Enginn aðgangseyrir.
Dagskrá
Setning Katrín Jakobsdóttir, forsætisráðherra
- Global Changes in Food Landscape Henk Jan Ormel, sérfræðingur hjá Matvæla- og landbúnaðastofnun Sameinuðu þjóðanna (FAO)
- Heilnæmi íslenskra matvæla Hrönn Jörundsdóttir, sviðsstjóri hjá Matís, Brigitte Brugger og Vigdís Tryggvadóttir, sérgreinadýralæknar hjá Matvælastofnun
- Styrkur Íslands – matvælastefna í mótun Vala Pálsdóttir, formaður starfshóps um matvælastefnu fyrir Ísland
- Matarferðaþjónusta á Norðurlandi Arnheiður Jóhannsdóttir, framkvæmdastjóri markaðsstofu Norðurlands
- Áfangastaðurinn Austurland – Matarupplifun María Hjálmarsdóttir, verkefnastjóri, Austurbrú
- Pallborðsumræður, sjávarútvegs- og landbúnaðarráðherra og heilbrigðisráðherra, auk frummælenda.
Hér er hægt að skrá sig á ráðstefnuna.