SI skorar á 7 sveitarfélög að setja LED-væðingu í útboð
Samtök iðnaðarins skora á 7 sveitarfélög að fara í útboð á viðhaldi, rekstri og LED-væðingu götulýsingar í kjölfar á úrsskurði þar sem borginni er gert að bjóða út þjónustu við útskiptingu og uppsetningu LED-lampa í Reykjavík.
Eftirfarandi sveitarfélög hafa fengið bréf þessa efnis: Reykjavík, Kópavogur, Garðabær, Hafnarfjörður, Seltjarnarnes, Mosfellsbær og Akranes.
Í bréfunum kemur meðal annars fram að Samtök iðnaðarins telji að úrskurður þessi hafi breiða skírskotun og sé fordæmisgefandi fyrir önnur sveitarfélög sem beri, með sama hætti og Reykjavíkurborg, að bjóða út innkaup á umræddri þjónustu. Samtökin telji jafnframt brýnt að brugðist sé hratt við úrskurði nefndarinnar og hafist sé strax handa við útboð. Hagsmunir bjóðenda séu miklir.
Hér er hægt að nálgast bréfin: