Síðasti dagur fyrir tilnefningar menntaverðlauna
Í dag er síðasti dagur til að senda inn tilnefningar fyrir Menntaverðlaun atvinnulífsins sem verða afhent á Menntadegi atvinnuífsins sem haldinn verður í Hörpu fimmtudaginn 14. febrúar. Óskað er eftir tilnefningum um fyrirtæki sem hafa staðið sig vel á sviði fræðslu- og menntamála. Tilnefningar er hægt að senda í tölvupósti til Samtaka atvinnulífsins á sa@sa.is.
Þetta er í sjötta sinn sem dagurinn er haldinn en um er að ræða samstarfsverkefni Samtaka iðnaðarins, Samorku, Samtaka ferðaþjónustunnar, Samtaka fjármálafyrirtækja, Samtaka fyrirtækja í sjávarútvegi, Samtaka verslunar og þjónustu og Samtaka atvinnulífsins. Iceland Travel var valið menntafyrirtæki ársins 2018 og Landsnet menntasproti ársins 2018.
Verðlaun eru veitt í tveimur flokkum; menntafyrirtæki ársins og menntasproti ársins.
Helstu viðmið fyrir menntafyrirtæki ársins eru:
- að skipulögð fræðsla sé innan fyrirtækisins,
- að stuðlað sé að markvissri menntun og fræðslu,
- að sem flest starfsfólk taki virkan þátt og
- að hvatning sé til frekari þekkingaröflunar.
Helstu viðmið vegna menntasprota ársins eru:
- að lögð sé stund á nýsköpun í menntun og fræðslu, innan fyrirtækis og/eða í samstarfi fyrirtækja,
- samstarf fyrirtækja og samfélags um eflingu fræðslu, innan sem utan fyrirtækja.
