Stefnumótun hjá þjónustu- og handverksgreinum SI
Góð þátttaka var á stefnumótunardegi starfsgreinahópa í þjónustu- og handverksgreinum hjá Samtökum iðnaðarins sem haldinn var á Grand Hótel Reykjavík laugardaginn 8. október. Á fundinum voru fulltrúar frá Ljósmyndarafélagi Íslands, Klæðskera- og kjólameistarafélaginu, Félagi íslenskra snyrtifræðinga, Félagi hársnyrtimeistara á Norðurlandi og Félagi íslenskra gullsmiða.
Uppbyggilegar umræður sköpuðust meðal félagsmanna sem tóku þátt í fundinum. Meðal umræðuefna var iðnmenntun, mikilvægi gæða og fagmennsku í iðnaði og starfsumhverfi iðnfyrirtækja.
Bergþóra Halldórsdóttir, ráðgjafi hjá SI, stýrði stefnumótuninni.