Stjórn Félags rafverktaka á Austurlandi endurkjörin
Aðalfundur Félags rafverktaka á Austurlandi var haldinn fyrir skömmu. Stjórn félagsins var endurkjörin en í henni sitja Svanur Freyr Jóhannsson, formaður, Hrafnkell Guðjónsson, ritari, Ómar Yngvason, gjaldkeri, og varamaður er Þórarinn Hrafnkelsson.
Á fundinum spunnust fjörugar umræður um áskoranir sem rafverktakar á svæðinu glíma við í daglegu starfi, ólöglega verktöku réttindalausra og hlutverk eftirlitsaðila.
Gestur fundarins var Jón Kjartan Kristinsson, verkefnastjóri miðlunar, tækni og skapandi greina hjá Rafmennt. Jón kynnti fyrirhuguð námskeið á vegum Rafmenntar og ræddi leiðbeiningar um hleðslu rafbíla og raflagnir því tengdu sem gefnar hafa verið út af Mannvirkjastofnun.
