Stjórn Málms á ferð um Vesturland
Stjórn Málms – samtaka fyrirtækja í málm- og skipasmíði heimsótti Fjölbrautaskóla Vesturlands á Akranesi fyrir skömmu en skólinn er eini verknámsskólinn á Vesturlandi. Markmiðið með heimsókninni var að kynnast kennsluháttum í málmgreinum og skoða aðstæður í skólanum. Mikil endurnýjun hefur átt sér stað í tækjabúnaði málmdeildarinnar. Stjórn Málms hefur sett sér það markmið að heimsækja þá skóla sem bjóða nám í málmgreinum.
Í sömu ferð heimsótti stjórnin einnig Skagann 3X og fékk leiðsögn um fyrirtækið og kynningu á framleiðslu þess. Auk þess heimsótti stjórnin Vélsmiðju Ólafs R. Guðjónssonar.
Á myndinni hér fyrir ofan eru stjórnarmenn Málms, ásamt Þorgeiri Jósepssyni hjá Skaganum 3X, talið frá vinstri, Ólafur R. Guðjónsson, Stefán Sigurðsson, Þorgeir Jósepsson, Guðlaugur Þór Pálsson og Helgi Guðjónsson.
