Stofnun Nemastofa atvinnulífsins
Stofnun Nemastofu atvinnulífsins fór fram 5. apríl í húsnæði Iðunnar að Vatnagörðum 20 að viðstöddum mennta- og barnamálaráðherra, framkvæmdastjóra SI, framkvæmdastjóra Iðunnar, framkvæmdastjóra Rafmenntar og fulltrúum frá aðildarfyrirtækjum SI.
Undirritað var samkomulag milli atvinnulífsins og mennta- og barnamálaráðuneytisins.
Nemastofa atvinnulífsins er samstarfsvettvangur samtaka í atvinnulífinu um bætt vinnustaðanám og fjölgun faglærðs starfsfólks. Markmið með Nemastofu atvinnulífsins er að fjölga fyrirtækjum og iðnmeisturum sem taka nema á vinnustaðanámssamning. Með tilkomu Nemastofu atvinnulífsins eykst yfirsýn yfir fjölda nemenda í vinnustaðanámi auk þess sem aðgengi nemenda að starfsnámi verður bætt og einfaldað.
Dagskrá
- Opnun – Hildur Elín Vignir, framkvæmdastjóri Iðunnar
- Ávarp – Sigurður Hannesson SI, framkvæmdastjóri SI
- Ávarp – Ásmundur Einar Daðason, mennta- og barnamálaráðherra
- Undirritun samkomulags milli mennta- og barnamálaráðuneytis og Nemastofu atvinnulífsins
- Afhending hvatningaverðlauna til fyrirtækja sem hafa staðið vel að kennslu og þjálfun nema á vinnustað
- Opnun heimasíðu Nemastofu atvinnulífsins
Á Facebook SI er hægt að nálgast fleiri myndir frá undirrituninni.
Sigurður Hannesson, framkvæmdastjóri SI.
Ásmundur Einar Daðason, mennta- og barnamálaráðherra.
Hildur Elín Vignir, framkvæmdastjóri Iðunnar.
Þór Pálsson, framkvæmdastjóri Rafmennt, Ásmundur Einar Daðason, mennta- og barnamálaráðherra, og Hildur Elín Vignir, framkvæmdastjóri Iðunnar, skrifuðu undir samkomulag.
Nemastofu atvinnulífsins veitti þremur fyrirtækjum
hvatningaverðlaun sem hafa á liðnum árum náð góðum árangri í þjálfun og kennslu
nema á vinnustað og eru góðar fyrirmyndir sem lærdómsfyrirtæki í viðkomandi
faggreinum. Fyrirtækin sem hljóta hvatningarverðlaun árið 2022 eru Gullsmíða- og skartgripaverslunin Tímadjásn,
bílaumboðið BL og TG raf.
Hjörleifur Stefánsson formaður SART, Þór Pálsson framkvæmdastjóri Rafmennt, Margrét Halldóra Arnarsdóttir formaður FÍR, Tómas Guðmundsson rafvirkjameistari TG raf, Áslaug Rós Guðmundsdóttir framkvæmdastóri TG raf, Pétur H. Halldórsson varaformaður SART, Kristján D. Sigurbergsson framkvæmdatjóri SART, og Helgi Rafnsson varaformaður FLR.
Boðskort til félagsmanna SI:
