Styttist í skilafrest fyrir Menntaverðlaun atvinnulífsins
Hægt er að senda inn tilnefningar til Menntaverðlauna atvinnulífsins fram til mánudagsins 23. janúar á netfangið verdlaun@sa.is. Verðlauni verða afhent í Hörpu þriðjudaginn 14. febrúar þegar Menntadagur atvinnulífsins fer fram. Fyrirtækjum er velkomið að tilnefna sig sjálf.
Tvær viðurkenningar eru veittar og eru þetta viðmiðin:
Menntafyrirtæki ársins - viðmið:
- að skipulögð og markviss fræðsla sé innan fyrirtækisins
- að sem flest starfsfólk taki virkan þátt
- að haldið sé utan um mælikvarða í fræðslumálum
- að hvatning sé til staðar til frekari þekkingaröflunar
Menntasproti ársins - viðmið:
- að lögð sé stund á nýsköpun í menntun og fræðslu, innan fyrirtækis og/eða í samstarfi fyrirtækja
- samstarf fyrirtækja og samfélags um eflingu fræðslu, innan sem utan fyrirtækja.