Sveinsbréf afhent í sex iðngreinum
Afhending sveinsbréfa í sex iðngreinum sem eru innan Félags iðn- og tæknigreina, Byggiðnaðar, Bílgreinasambandsins, VM, Félags vélstjóra og málmtæknimanna og viðkomandi meistarafélaga fór fram við hátíðlega athöfn á Hilton Reykjavík Nordica síðastliðinn fimmtudag þar sem nýsveinar í eftirtöldum greinum fengu afhent sveinsbréf:
- Bifvélavirkjun
- Húsasmíði
- Málaraiðn
- Pípulögnum
- Rennismíði
- Vélvirkjun
Hildur Elín Vignir, framkvæmdastjóri Iðunnar fræðsluseturs, bauð gesti velkomna. Formenn sveinsprófsnefnda afhentu sveinsbréfin og Þórdís Kolbrún Reykfjörð Gylfadóttir, ferðamála, iðnaðar- og nýsköpunarráðherra, flutti ávarp.
Hildur Elín Vignir, framkvæmdastjóri Iðunnar fræðsluseturs, Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra, og Guðrún Hafsteinsdóttir, formaður SI.