Upptökur frá ráðstefnu Matvælalandsins Íslands
Nú er hægt að nálgast upptökur frá ráðstefnu Matvælalandsins Íslands sem haldin var fyrir skömmu á Hilton Reykjavík Nordica þar sem um 100 manns mættu. Fjölmargir frummælendur voru á ráðstefnunni og umræðuefnið fjölbreytt. Á ráðstefnunni kom meðal annars fram hvað Ísland er auðugt með sínar matarauðlindir og að mikil tækifæri liggi í því að kynna sérstöðu íslenskra matvæla. Liður í því er að bæta upplýsingaöflun og mælingar á ýmsum þáttum sem hafa áhrif á ímynd vörunnar og gæði í huga neytenda.
Á vef Bændasamtakanna og hér fyrir neðan er hægt að nálgast upptökur fyrirlesara:
- Global Changes in Food Landscape - Henk Jan Ormel, sérfræðingur hjá Matvæla- og landbúnaðarstofnun Sameinuðu þjóðanna (FAO)
- Heilnæmi íslenskra matvæla - Hrönn Jörundsdóttir, sviðsstjóri hjá Matís
- Heilnæmi íslenskra matvæla - Vigdís Tryggvadóttir og Brigitte Brugger, sérgreinadýralæknar hjá Matvælastofnun
- Styrkur Íslands - Matvælastefna í mótun - Vala Pálsdóttir, formaður starfshóps um matvælastefnu fyrir Ísland
- Matarferðaþjónusta á Norðurlandi - Arnheiður Jóhannsdóttir, framkvæmdastjóri Markaðsstofu Norðurlands
- Áfangastaðurinn Austurland - María Hjálmarsdóttir, verkefnastjóri Austurbrú
Að samstarfsvettvanginum Matvælalandið Ísland standa Samtök iðnaðarins, Bændasamtök Íslands, Matís, Íslandsstofa, Samtök ferðaþjónustunnar, Samtök fyrirtækja í sjávarútvegi, Matarauður Íslands og Háskóli Íslands.
Á Facebook er hægt að skoða myndir frá ráðstefnunni.