Vaxtarsprotinn afhentur á þriðjudaginn
Vaxtarsprotinn verður afhentur í Café Flóru, Grasagarðinum í Laugardal næstkomandi þriðjudag 4. september kl. 8.30-10.00. Um er að ræða samstarfsverkefni Samtaka iðnaðarins, Samtaka sprotafyrirtækja, Háskólans í Reykjavík og Rannsóknarmiðstöðvar Íslands.
Tilgangur verkefnisins er að vekja athygli á góðum árangri sprotafyrirtækja í örum vexti og skapa þannig aukinn áhuga og skilning á uppbyggingarstarfi þessara fyrirtækja.
Viðurkenningar eru veittar til fjögurra sprotafyrirtækja sem hafa sýnt mestan hlutfallslegan vöxt í veltu á síðasta ári.
Hér er hægt að skrá sig á viðburðinn.
Á síðasta ári hlaut Kerecis viðurkenningu fyrir mestan vöxt og var þar með Vaxtarsproti ársins. Á myndinni afhendir ráðherra stjórnendum og starfsmönnum Kerecis verðlaunin.