Vel sótt vorhátíð GERT á Akureyri
Samtök iðnaðarins, Atvinnuþróunarfélag Eyjafjarðar og Atvinnuþróunarfélag Þingeyinga efndu til vorhátíðar GERT á Akureyri í síðustu viku. Framtíðarumhverfi grunnskólans var yfirskrift hátíðarinnar sem fór fram í Verksmiðjunni í Glerárgötu. Það var mikill áhugi á hátíðinni og fjölmargir sem mættu.
Hátíðin hófst á hugvekju hjá Karli Frímannssyni, sviðsstjóra fræðslusviðs Akureyrarbæjar. Þá fluttu erindi þau Auður Sigurðardóttir sem kynnti GERT verkefnið í Garðaskóla, Hans Rúnar Snorrason hjá Hrafnagilsskóla, og Snæbjörn Lilliendahl sem sagði frá Microbit verkefninu. GERT verkefnið fyrir veturinn 2018/2019 var einnig kynnt.
Boðið var upp á léttar veitingar að fundi loknum.
Jóhanna Vigdís Arnardóttir, verkefnastjóri í menntamálum hjá Samtökum iðnaðarins, (t.h.), Auður Sigurðardóttir hjá Garðaskóla og Snæbjörn Lilliendahl hjá Microbit verkefninu.
