Vel sóttur fundur SÍL
Fyrirtækjafundur Samtaka íslenskra líftæknifyrirtækja, SÍL, var haldinn síðastliðinn föstudag en þar komu fyrirtækin saman til að kynnast betur innbirgðis. Hvert fyrirtæki með kynningu á vörum sínum, þjónustu og viðskiptamódeli og mátti sjá af kynningunum að talsverður vöxtur er í greininni.
Fundurinn var haldinn í Zymetech í Fiskislóð. En fyrirtækið er þekkt fyrir vinnslu á ensími úr þorski. Það sem vakti athygli í þeirra kynningu var að viðskiptavinir fyrirtækisins hafa verið öflugir í vöruþróunarferlinu með því að senda inn nýjar hugmyndir að notkun Pensím sem fyrirtækið er þekkt fyrir víða um heim. Meðal þess sem kom fram í kynningunum var að Alvogen/Alvotech sem eru nýlega komin inn í samtökin eru að vinna í að bjóða upp á lausnir til að ríki heimsins geti skipt út líftæknilyfjum í ódýrari samheitarlyf. En ódýrari lyf hafa sýnt fram á töluverðan sparnað fyrir heilbrigðiskerfi víða. Rætt var um fullkomna verksmiðju í Vatnsmýrinni og einstök húsakynni í því samfélagi sem nú er í uppbyggingu á þessu svæði. Algalíf vakti athygli fyrir góðan vöxt á síðasta ári og aðkomu sína inn á nýja markaði. Orf Líftækni greindi frá því hvernig fyrirtækið er að verða leiðandi á snyrtivörumarkaði og hvernig aðilar á borð við Karl Lagerfeld hafa aðstoðað við að koma vörunni á framfæri. Fyrirtækið er að koma vörum sínum inn á markað í Kína til viðbótar við fjölda annarra markaða víða um heim.
Fleiri myndir á Facebook.