Vel sóttur jólafundur Félags blikksmiðjueigenda
Jólafundur Félags blikksmiðjueigenda, FBE, var vel sóttur en fundurinn fór fram í Húsi atvinnulífsins fimmtudaginn 7. desember. Fundurinn hófst á fordrykk þar sem tekið var á móti gestum. Sævar Jónsson, formaður FBE, setti fundinn og bauð gesti velkomna. Elísa Arnarsdóttir, viðskiptastjóri á mannvirkjasviði SI, kynnti helstu verkefni og starfsemi FBE. Að kynningum loknum var boðið upp á veitingar frá Grillvagninum og uppistand frá Inga B. Róbertssyni.
