Áframhaldandi samdráttur í byggingu nýrra íbúða
Í nýrri greiningu SI kemur fram að verulegur samdráttur í byggingu nýrra íbúða haldi að óbreyttu áfram samkvæmt könnun sem Outcome framkvæmdi fyrir Samtök iðnaðarins. Könnunin var lögð fyrir stjórnendur verktakafyrirtækja sem byggja íbúðir í eigin reikning. Samkvæmt niðurstöðum könnunarinnar reikna þessir stjórnendur með því að byrjað verði á byggingu 699 íbúða hjá þeirra fyrirtækjum á næstu tólf mánuðum samanborið við 986 á síðustu tólf mánuðum. Samdrátturinn er því 29%
Í niðurstöðum könnunarinnar eru skýr skilaboð um að háir vextir dragi úr uppbyggingu íbúða. Um 88% stjórnenda verktakafyrirtækja sem tóku þátt í könnuninni segja að hækkandi fjármögnunarkostnaður muni hafa neikvæð áhrif á uppbyggingaráform þeirra og leiða til samdráttar. Þetta hefur sérstaklega mikil neikvæð áhrif á stærri uppbyggingarverkefni þar sem allir stjórnendur verktakafyrirtækja sem eru að byggja fleiri en 30 íbúðir svara umræddri spurningu játandi.
Hér er hægt að nálgast greininguna.
Morgunblaðið, 11. janúar 2024.
mbl.is, 11. janúar 2024.
RÚV, 11. janúar 2024.