Fögnuðu norrænu samstarfi í leikjaiðnaði
Katrín Jakobsdóttir, forsætisráðherra, flutti ávarp á viðburði sem Samtök leikjaframleiðenda - IGI og Íslandsstofa stóðu fyrir í tilefni af komu stjórnar Nordic Game Institute til Íslands fyrir skömmu. Aðrir sem fluttu ávarp á viðburðinum voru Þorgeir F. Óðinsson, formaður Samtaka leikjaframleiðenda og framkvæmdastjóri Directive Games North, og Per Strömbåck, formaður Nordic Game Institute. Viðburðurinn fór fram í húsakynnum Íslandsstofu í Grósku.
Stjórn Nordic Game Institute fundaði hér á landi og ræddi framtíð norræns samstarfs í leikjaiðnaði. Leikjaiðnaður hefur vaxið umtalsvert síðan samtökin voru stofnuð árið 2012, þá velti iðnaðurinn um 500 milljónum evra en í dag veltir hann yfir 6 milljörðum evra. Þess má geta að forsætisráðherra sat í stjórn Nordic Game Institute á byrjunarárum samstarfsins sem fulltrúi stjórnvalda.
Á myndinni hér fyrir ofan eru Þorgeir F. Óðinsson, formaður Samtaka leikjaframleiðenda, KooPee Hiltunen frá NeoGames í Finnlandi, Katrín Jakobsdóttir, forsætisráðherra, Per Strömbåck, frá Dataspelbranchen í Svíþjóð og formaður stjórnar NG, og Åse Kringstad frá Virke Produsentforeningen í Noregi.
Myndir/BIG
Fleiri myndir er hægt að nálgast á Facebook SI.
Katrín Jakobsdóttir, forsætisráðherra.
Þorgeir F. Óðinsson, formaður Samtaka leikjaframleiðenda og framkvæmdastjóri Directive Games North.
Per Strömbåck, formaður Nordic Game Institute.
Nanna Elísa Jakobsdóttir, viðskiptastjóri á iðnaðar- og hugverkasviði SI, stýrði dagskránni.
Pétur Þ. Óskarsson, framkvæmdastjóri Íslandsstofu, Katrín Jakobsdóttir, forsætisráðherra, og Sigurður Hannesson, framkvæmdastjóri SI.
