Heimsókn SART á Norðurland
Formaður og framkvæmdastjóri Samtaka rafverktaka, SART, þeir Hjörleifur Stefánsson og Kristján D. Sigurbergsson, heimsóttu Norðuland fyrir skömmu. Með í för var Þór Pálsson, framkvæmdastjóri og skólameistari Rafmenntar.
Meðal annars var komið við á Ljósgjafanum þar sem Randver Karlsson, framkvæmdastjóri, og Stefán Randversson, löggiltur rafverktaki, fræddu gesti um starfsemi fyrirtækisins og ræddu málefni rafverktaka á Norðurlandi.
Frá Ljósgjafanum lá leiðin í Verkmenntaskóla Akureyrar, VMA, þar sem Haukur Eiríksson, brautarstjóri rafiðngreina, ásamt Ara Baldurssyni, kennara í rafiðngreinum, kynntu starfsemi rafdeildarinnar og sýndu aðstöðuna sem notuð er til kennslu raf- og rafeindavirkja. Einnig heilsaði Sigríður Huld Jónsdóttir, skólameistari VMA, upp á gestina.
Að áliðnum degi var haldinn aðalfundur Félags rafverktaka á Norðurlandi, FRN. Á fundinum flutti Óskar Frank Guðmundsson fræðsluerindi, Þór Pálsson, framkvæmdastjóri og skólameistari Rafmenntar, sagði frá nýjum námskeiðum sem væntanleg eru á dagskrá Rafmenntar. Auk þess sem Óskar og Þór svöruðu fyrirspurnum fundarmanna.
Stjórn FRN var endurkjörin á aðalfundinum; Aðalsteinn Þór Arnarson, formaður, Gunnar Ingi Jónsson, féhirðir, Gísli Sigurðsson, ritari, og Jónas M. Ragnarsson, varamaður.
Hjörleifur Stefánsson, Randver Karlsson, Stefán Randversson og Kristján D. Sigurbergsson.
Kristján D. Sigurbergsson og Haukur Eiríksson.
Hjörleifur Stefánsson, Kristján D. Sigurbergsson, Þór Pálsson og Sigríður Huld Jónsdóttir.
Gunnar Ingi Jónsson, Aðalsteinn Þór Arnarsson, Jóhann Kristján Einarsson, fyrrverandi formaður FRN, og Hjörleifur Stefánsson.