Kynning á Tækniþróunarsjóði og skattahvötum
Kynningarfundur um Tækniþróunarsjóð, skattahvata og Enterprise Europe Network fór fram í Húsi atvinnulífsins í gær.
Frummælendur voru Svandís Unnur Sigurðardóttir, sérfræðingur á rannsókna- og nýsköpunarsviði Rannís, sem fjallaði um Tækniþróunarsjóð og kynnti styrkjaflokka sjóðsins og ferlið í kringum umsóknir. Þá steig í pontu Davíð Lúðvíksson, einnig sérfræðingur á rannsókna- og nýsköpunarsviði Rannís, sem kynnti skattafrádrátt vegna rannsóknar- og þróunarkostnaðar. Einnig kynnti Mjöll Waldorf, sérfræðingur á rannsókna- og nýsköpunarsviði Rannís, Enterprise Europe Network sem styður metnaðarfull fyrirtæki í nýsköpun og alþjóðlegum vexti gegnum stærsta viðskiptatengslanet heims. Að endingu sagði Oddur Ólafsson, meðstofnandi og framkvæmdastjóri HorseDay ehf., félagsmaður SI og SSP, frá sinni reynslu af Tækniþróunarsjóði.
Erla Tinna Stefánsdóttir, viðskiptastjóri á iðnaðar- og hugverkasviði SI, var fundarstjóri.
Hér er hægt að nálgast glærur þingsins.
Hér er hægt að nálgast upptöku af fundinum:
Oddur Ólafsson, meðstofnandi og framkvæmdastjóri HorseDay.
Mjöll Waldorf, sérfræðingur á rannsókna- og nýsköpunarsviði Rannís.
Davíð Lúðvíksson, einnig sérfræðingur á rannsókna- og nýsköpunarsviði Rannís.
Svandís Unnur Sigurðardóttir, sérfræðingur á rannsókna- og nýsköpunarsviði Rannís.
