Fjölmennt á fræðslufundi um aukna þjónustu Veitna
Fjölmenni var á fræðslufundi Samtaka rafverktaka, SART, og Félags löggiltra rafverktaka, FLR, þar sem fulltrúar Veitna kynntu aukna þjónustu við löggilta rafverktaka. Fundurinn var haldinn hjá Rafmennt að Stórhöfða 27. Egill Jónsson, hópstjóri mæla- og notandaþjónustu Veitna, flutti erindi en auk hans sátu Skúli Skúlason, Sigurjón Kr. Sigurjónsson og Daníel Leó Ólason fyrir svörum. Á næstu dögum verður efni fundarins sett á innri vef SART fyrir félagsmenn.
Egill Jónsson hjá Veitum.
Skúli Skúlason og Egill Jónsson hjá Veitum.
Fundargestir fengu tækifæri til að spyrja fulltrúa Veitna um þjónustuna.