Fréttasafn



19. des. 2019 Almennar fréttir Efnahagsmál Hugverk

Ný skýrsla um íslenska tölvuleikjaiðnaðinn

Samtök leikjaframleiðenda, IGI, í samstarfi við Samtök iðnaðarins og Íslandsstofu hafa gefið út nýja skýrslu um stöðu tölvuleikjaiðnaðar á Íslandi. Í skýrslunni sem unnin er af Northstack kemur meðal annars fram að hér á landi starfa 17 tölvuleikjafyrirtæki með 345 starfsmenn.

Á árunum 2009-2016 tvöfaldaðist velta í greininni úr nærri 7,5 milljörðum króna í 14,5 milljarða króna á ári. Tekjur íslenska leikjaiðnaðarins eru uppsafnað 100 milljarðar króna síðustu tíu ár og koma þær að mestu erlendis frá en gjaldeyristekjur greinarinnar eru um 95% af veltu fyrirtækja í greininni. Frá 2009 hafa íslensk leikjafyrirtæki gefið út 83 leiki eða 1,5 leik að meðaltali í hverjum mánuði. Sumir af fremstu fjárfestum heims á þessu sviði hafa fjárfest í íslenskum leikjafyrirtækjum, þ.m.t. Sequoia, Tencent og Index Ventures.

Í skýrslunni kemur fram að ein helsta hindrun áframhaldandi vaxtar í greininni hér á landi er skortur á sérfræðingum og fólki með menntun sem tengist tölvuleikjaiðnaði. Þá er bent á leiðir til að styðja við og lækka rekstrarkostnað fyrirtækjanna og hvernig ýta megi undir fjármögnunarúrræði ungra leikjafyrirtækja.

Hér er hægt að nálgast skýrsluna. 

IGI-forsida-skyrsla

Viðskiptablaðið, 19. desember 2019.

Bylgjan, 19. desember 2019.

Kjarninn, 19. desember 2019.

Fréttablaðið, 20. desember 2019.

Fréttablaðið, 21. desember 2019.

vb.is , 21. desember 2019.

vb.is, 22. desember 2019.