Ný stjórn Félags pípulagningameistara
Aðalfundur og árshátíð Félags pípulagningameistara var haldinn á hótel B59 í Borgarnesi laugardaginn 15. apríl síðastliðinn. Á fjölmennum aðalfundi var Böðvar Ingi Guðbjartsson endurkjörinn formaður félagsins. Í nýrri stjórn félagsins sem sést á myndinni hér að ofan eru, talið frá vinstri, Ársæll Óskarsson, Magnús Björn Bragason, Kári Samúelsson, Sigurður Reynir Helgason, Böðvar Ingi Guðbjartsson og Árni Gunnar Ingþórsson.
Almar Gunnarson f.v. varaformaður FP lét af störfum og voru honum þökkuð góð störf fyrir félagið.
Á vef Félags pípulagningameistara, piparinn.is, er hægt að nálgast fleiri myndir frá fundinum.
Fjölmennt var á aðalfundi Félags pípulagningameistara sem fór fram í Borgarnesi.