Fulltrúar Byko færðu fyrir skömmu pípulagningadeild Tækniskólans gjafir frá Grohe en um er að ræða hreinlætistæki af nýjustu gerð. Auk þess mættu sérfræðingar frá Grohe til að kenna uppsetningu á tækjunum.
Böðvar Ingi Guðbjartsson, formaður Félags pípulagningameistara og kennari í pípulögnum, tók á móti gjöfinni og sagði við það tilefni að slíkar gjafir væru mikill hagur fyrir Tækniskólann þar sem með þeim gefist tækifæri til að vinna með nýjustu vörurnar á markaðnum og væri það ómetanlegt fyrir nemendur í pípulögnum að fá slíkar gjafir.
