Ráðgjafarverkfræðingar ræða mat á umhverfisáhrifum
Félagsfundur Félags ráðgjafarverkfræðinga, FRV, fór fram í morgun með rafrænum hætti. Á fundinum hélt Bryndís Skúladóttir, ráðgjafi hjá VSÓ, erindi um málsmeðferð við leyfisveitingar og mat á umhverfisáhrifum. Greindi hún frá niðurstöðum greiningar um þessi mál sem VSÓ ráðgjöf vann á vegum Samorku, SA, SI og FRV. Farið var yfir tillögur til að einfalda ferla en mikið er um tvíverknað og óskilvirkni í núverandi kerfi.
Hér er hægt að nálgast glærur Bryndísar á fundinum.
Á fundinum var einnig farið stuttlega yfir störf stjórnar félagsins á síðastliðnu starfsári auk þess sem áherslumál stjórnar fyrir starfsárið voru mótuð.
Reynir Sævarsson, formaður FRV, fór yfir störf stjórnar félagsins.
Bryndís Skúladóttir, ráðgjafi hjá VSÓ, flutti erindi á fundinum.