Ræddu framtíð leikjaiðnaðar í Nýsköpunarvikunni
Samtök leikjaframleiðenda, IGI, stóðu fyrir vel sóttum viðburði undir yfirskriftinni „Framtíð leikjaiðnaðar“ í Nýsköpunarvikunni. Viðburðurinn var haldinn í samstarfi við Esports Coaching Academy og Íslandsstofu.
Á viðburðinum kynntu stofnendur fimm íslenskra leikjafyrirtæki væntanlega leiki sína fyrir gestum. Þá kom á viðburðinn sendinefnd erlendra blaðamanna sem hyggjast fjalla um íslenskan leikjaiðnað á sínum miðlum.
Þau sem kynntu leikina voru Baldvin Albertsson hjá Vitar Games, María Guðmundsdóttir hjá Parity, Björn Elíeser Jónsson hjá Porcelain Fortress, Stefán Björnsson hjá Solid Clouds og Ólöf Svala Magnúsdóttir hjá Arctic Theory.
