Samtal um hönnun og hönnunarverðlaun
Hönnunarverðlaun Íslands 2021 og Samtal um hönnun fara fram í Grósku í dag föstudaginn 29. október kl. 15.00-20.00. Hér er hægt að skrá sig.
Dagskrá
Hrund Gunnsteinsdóttir, framkvæmdastjóri Festu, stýrir Samtalinu og pallborðsumræðum og Guðrún Sóley Gestsdóttir, fjölmiðlakona sér um að kynna verðlaunaafhendinguna sem fer fram í kjölfarið.
Samtal um framtíð sem byggir á hönnun, hugviti og nýsköpun
15:00 - 15:30 Húsið opnar - Haustdrykkur Kaffitárs
15:30 - 16:30 Snörp myndræn erindi um tilnefningar til Hönnunarverðlauna Íslands 2021
16:40 - 17:30 Pallborðsumræður: Þórdís Kolbrún Reykfjörð Gylfadottir ferðamála-, iðnaðar- og nýsköpunarráðherra, Haraldur Thorleifsson, stofnandi Ueno, Sigurður Hannesson, framkvæmdastjóri Samtaka iðnaðarins, og Halla Helgadóttir, framkvæmdastjóri Miðstöðvar hönnunar og arkitektúrs
Hönnunarverðlaun Íslands 2021
17:30 - 18:00 Fordrykkur
18:00 - 19:00 Verðlaunaafhending
19:00 - 20:00 Skál
Tilnefningar til Hönnunarverðlauna Íslands 2021
Tilnefningar til verðlaunanna eru fimm talsins:
1. Fatalína fatahönnuðarins Magneu Einarsdóttur, MAGNEA - made in reykjavík.
2. Ásýnd „Hjaltalín - ∞“ eftir grafíska hönnuðinn Sigurð Oddsson, myndhöggvarann Matthías Rúnar Sigurðsson og þrívíddarhönnuðinn Gabríel Benedikt Bachmann.
3. Söluhús við Ægisgarð eftir Yrki arkitekta.
4. Konur sem kjósa eftir Snæfríði Þorsteins, Hildigunni Gunnarsdóttur og Agnar Frey Stefánsson.
5. Hönnunarverkefnið Þykjó eftir hönnuðina Sigríði Sunnu Reynisdóttur, Ninnu Þórarinsdóttur, Sigurbjörgu Stefánsdóttir og Erlu Ólafsdóttur.
Það er Miðstöð hönnunar og arkitektúrs sem stendur að verðlaununum í samstarfi við Hönnunarsafn Íslands, Listaháskóla Íslands, Íslandsstofu og Samtök iðnaðarins.