Á Facebook síðu Grindavíkurbæjar hefur verið greint frá aðkomu Félags pípulagningameistara og Samtaka iðnaðarins að því að skipuleggja og kappkosta að frostverja húseignir í Grindavík. Þar kemur fram að í ljósi aðstæðna hafi Almannavarnadeild ríkislögreglustjóra borist tilkynningar um húseignir í Grindavík sem mögulega eru án hitaveitu og samkvæmt fyrstu tilkynningum HS Veitna hafi þetta verið á annað hundrað eignir. Einnig segir þar að Almannavarnardeild hafi fengið til liðs við sig fjölda pípulagningamanna til að skoða húsin sem um ræðir.
Á myndinni eru fulltrúar Félags pípulagningameista og Samtaka iðnaðarins sem komu að skipulagningunni.
Víkurfréttir, 21. nóvember 2023.
