Stjórn Félags rafverktaka á Suðurlandi endurkjörin
Stjórn Félags rafverktaka á Suðurlandi var endurkjörin á rafrænum aðalfundi félagsins sem haldinn var fyrir skömmu. Í stjórn sitja Magnús Gíslason, formaður, Þorgils Gunnarsson, gjaldkeri, Sölvi Ragnarsson, ritari, og Hermann G. Jónsson er varamaður.
Í ávarpi formanns á fundinum kom fram að verkefnastaða félagsmanna sé almennt góð og að mikil uppbygging eigi sér nú stað í Árborg, meðal annars í miðbæ Selfoss, hjúkrunarrými við HSU og leikskóla en lóðaskortur hafi áhrif á byggingamarkaðinn.
Magnús Gíslason, formaður Félags rafverktaka á Suðurlandi.