Stjórn Félags rafverktaka á Vestfjörðum endurkjörin
Ný stjórn Félags rafverktaka á Vestfjörðum var kosin á aðalfundi félagsins sem haldinn var á Hótel Ísafirði fyrir nokkru. Á fundinum var stjórn félagsins endurkjörin en hana skipa, Sævar Óskarsson formaður, Albert Guðmundsson gjaldkeri, Einar Yngvason meðstjórnandi og Karl Þór Þórisson varamaður. Félag rafverktaka á Vestfjörðum er aðildarfélag Samtaka rafverktaka, Sart.
Í tengslum við aðalfundinn hélt Rafmennt námskeið í úttektarmælingum rafverktaka og sóttu 20 manns námskeiðið.
Á myndinni hér fyrir ofan eru Sævar Óskarsson, Albert Guðmundsson og Einar Yngvason.
Fundarmenn á aðalfundi Félags rafverktaka á Vestfjörðum.