H. Árnason sem er fyrirtæki í raf- og tölvuiðnaði og aðili að Samtökum rafverktaka var með kynningu á Tæknidegi UTmessunnar sem fór fram um síðustu helgi. Helstu tæknifyrirtæki landsins gáfu gestum tækifæri til að kynnast nýjustu tækni í tölvu- og öryggisfræðum.
H. Árnason var með kynningu frá tölvuöryggis-fyrirtækinu Check Point þar sem m.a. voru til sýnis eldveggir og annar öryggishugbúnaður. Á staðnum var tölvuskápur með uppsettum eldvegg ásamt tengingum og var markmiðið að sýna gestum hvernig vélbúnaðurinn tengist við netið. Varpað var upp á stóran skjá netárásum í rauntíma sem vakti athygli sýningargesta.
