Þakkir fyrir aðstoð og ráðgjöf lögfræðings SI
Lögfræðingur Samtaka iðnaðarins, Björg Ásta Þórðardóttir, fékk óvæntan glaðning þegar Hans Ragnar Þorsteinsson, húsasmíðameistari og eigandi Verktaka nr. 16, mætti á skrifstofu SI í dag með blóm og súkkulaði. Tilefnið var að Verktaki nr. 16 ehf. hafði betur í dómsmáli gegn Byggingarsamvinnufélagi eldri borgara í Garðabæ. Í málinu var deilt um kröfu Verktaka nr. 16 á hendur byggingarsamvinnufélaginu fyrir byggingarstjórn verkframkvæmda að Unnargrund. Verktaki nr. 16 sem er aðili að SI naut aðstoðar og ráðgjafar lögfræðings Samtaka iðnaðarins í málinu.
Björg Ásta Þórðardóttir, lögfræðingur SI, og Hans Ragnar Þorsteinsson, húsasmíðameistari og eigandi Verktaka nr. 16.