FP og SART hafa tekið saman leiðbeiningar vegna hitaveitu
Af gefnu tilefni hafa Félag pípulagningameistara og Samtök rafverktaka tekið saman leiðbeiningar til íbúa sem að kunna að lenda í tímabundinni skerðingu á hitaveitu vegna náttúruhamfara á Reykjanesinu. Frostskemmdir í húsum fara fyrst að gera vart við sig ef húshiti fer niður fyrir 4 gráður. Við núverandi veðurfar er almennt hægt að gera ráð fyrir að slík kólnun eigi sér stað í húsum eftir 3-4 daga án hita.
Það sem m.a. kemur fram í leiðbeiningunum er að til viðmiðunar um kulda í húsum sé hægt að setja upp hitamæla eða setja glas með vatni á gólf við útvegg til að fylgjast með því hvort vatn sé farið að hríma.
Til viðbótar hefur Félag pípulagningameistara gefið út leiðbeiningar í forvarnarskyni til húseigenda þar sem vakin er athygli á atriðum sem geta forðað vatnstjóni.
Hér er hægt að nálgast leiðbeiningarnar á vef HS veitna.
Hér er hægt að nálgast upplýsingar á vef HS veitna um þjónusturof vegna náttúruhamfara.