Verklegar framkvæmdir ársins nema 128 milljörðum

Fullt var út að dyrum á Útboðsþingi Samtaka iðnaðarins sem fram fór á Grand Hótel Reykjavík í dag. Þar kynntu fulltrúar 10 opinberra aðila fyrirhugaðar verklegar framkvæmdir á árinu. Um er að ræða samtals 128 milljarða króna fyrirhugaðar verklegar framkvæmdir. Það er 49 milljarða króna hærri upphæð en kynnt var á útboðsþingi síðasta árs þegar upphæðin nam 79 milljörðum króna. Í ár kynna Samtök sveitarfélaga á höfuðborgarsvæðinu fyrirhugaðar framkvæmdir að upphæð 16,4 milljörðum króna en annars munar mest um framkvæmdir Isavia, Vegagerðarinnar og Framkvæmdasýslu ríkisins.

Á útboðsþingi 2017 voru kynntar fyrirhugaðar framkvæmdir að upphæð 90,5 milljarðar króna og á útboðsþingi 2016 voru kynntar áformaðar framkvæmdir fyrir tæpa 100 milljarða króna sem var þá veruleg aukning frá árinu á undan.

Hér er hægt að nálgast glærur þingsins.

Fyrirhugaðar verklegar framkvæmdir opinberra aðila 2019

Reykjavíkurborg 20,0 milljarðar króna Samtök sveitarfélaga á höfuðborgarsvæðinu 16,4 milljarðar króna Veitur 8,7 milljarðar króna Landsvirkjun 4,4 milljarðar króna Landsnet 9,2 milljarðar króna Orka náttúrunnar 4,4 milljarðar króna Faxaflóahafnir 2,7 milljarðar króna Isavia 20,5 milljarðar króna Vegagerðin 21,9 milljarðar króna Framkvæmdasýsla ríkisins 19,7 milljarðar króna Samtals 127,9 milljarðar króna