Fullt út að dyrum á vel heppnuðu Útboðsþingi SI
Fullt var út að dyrum þegar hátt í 200 manns sóttu Útboðsþing SI sem fram fór í Háteig á Grand Hótel Reykjavík síðastliðinn föstudag. Á þinginu kynntu fulltrúar 10 opinberra aðila fyrirhugaðar verklegar framkvæmdir sem samtals nema 79,05 milljörðum króna. Það er nokkuð minna að umfangi en framkvæmdir sem voru kynntar á útboðsþingi 2017 sem nam 90,5 milljörðum króna og á útboðsþingi 2016 voru kynntar áformaðar framkvæmdir fyrir tæpa 100 milljarða króna sem var þá veruleg aukning frá árinu á undan. Fundarstjóri á Útboðsþingi SI síðastliðinn föstudag var Sigurður Hannesson, framkvæmdastjóri SI.
Fyrirhugaðar framkvæmdir opinberra aðila sem kynntar voru á þinginu
- Reykjavíkurborg 18 milljarðar króna
- OR Veitur 6,9 milljarðar króna
- Orka náttúrunnar 4,31 milljarðar króna
- Landsvirkjun 8,6 milljarðar króna
- Landsnet 9 milljarðar króna
- Framkvæmdasýsla ríkisins 12,9 milljarðar króna
- Faxaflóahafnir 2,12 milljarðar króna
- Kópavogsbær 3,72 milljarðar króna
- ISAVIA 2,5 milljarðar króna
- Vegagerðin 11 milljarðar króna
Glærur fundarins
Hér fyrir neðan er hægt að nálgast glærur frummælenda á fundinum:
Reykjavíkurborg Dagur B. Eggertsson, borgarstjóri
Kópavogsbær Ármann Kr. Ólafsson, bæjarstjóri
Veitur Inga Dóra Hrólfsdóttir, framkvæmdastjóri
Landsvirkjun Gunnar Guðni Tómasson, framkvæmdastjóri framkvæmdasviðs
Landsvirkjun Guðmundur Björnsson, deildarstjóri tæknideildar Orkusvið
Landsnet Nils Gústavsson, framkvæmdastjóri framkvæmda- og rekstrarsviðs
Orka náttúrunnar Þórður Ásmundsson, forstöðumaður tækniþróunar
Faxaflóahafnir Gísli Gíslason, hafnarstjóri
ISAVIA Maren Lind Másdóttir, deildarstjóri farangurskerfa
Vegagerðin Óskar Örn Jónsson, forstöðumaður framkvæmdadeildar
Framkvæmdasýsla ríkisins Guðrún Ingvarsdóttir, forstjóri
Myndir frá þinginu
Hér fyrir neðan eru nokkrar myndir frá þinginu en á Facebook síðu SI er hægt að skoða fleiri myndir.
