23. jan. 2020 Almennar fréttir Mannvirki

Áætlaðar verklegar framkvæmdir opinberra aðila 132 milljarðar

Fjölmennt er á Útboðsþingi Samtaka iðnaðarins sem stendur yfir á Grand Hótel Reykjavík þar sem fulltrúar 10 opinberra aðila kynna áætlaðar verklegar framkvæmdir á árinu. Um er að ræða samtals 132 milljarða króna framkvæmdir sem er 4 milljörðum króna hærri upphæð en kynnt var á Útboðsþingi síðasta árs þegar upphæðin nam 128 milljörðum króna. Vegagerðin er með hæstar áætlar framkvæmdir að upphæð tæpar 39 milljarða króna sem er tæplega 17 milljörðum króna meira en kynnt var á síðasta ári. Isavia gerir ráð fyrir framkvæmdum fyrir 21 milljarð króna og Reykjavíkurborg fyrir tæplega 20 milljarða króna. Í fyrsta sinn á þessu þingi eru sérstaklega kynntar verklegar framkvæmdir vegna Landspítala sem eru áætlaðar tæplega 12 milljarðar króna. Þá fyrirhugar Landsnet að bæta við framkvæmdir frá síðasta ári sem nemur 2,5 milljörðum króna.

Áætlaðar verklegar framkvæmdir opinberra aðila


Vegagerðin	38,7
Isavia	21,0
Reykjavíkurborg	19,6
Landspítalinn	12,0
Landsnet	11,7
Framkvæmdasýslan	9,3
Veitur	8,8
ON	4,5
Landsvirkjun	4,1
Faxaflóahafnir	2,2
Alls	131,9

Mynd_1579787664066

GLÆRUR

Hér fyrir neðan er hægt að nálgast glærur fundarins. Fundarstjóri var Jóhanna Klara Stefánsdóttir, sviðsstjóri mannvirkjasviðs SI, og setningarávarp flutti Sigurður Hannesson, framkvæmdastjóri SI.

Reykjavíkurborg – Dagur B. Eggertsson, borgarstjóri

Veitur – Inga Lind Valsdóttir, forstöðumaður tækniþróunar

Landsvirkjun – Gunnar Guðni Tómasson, framkvæmdastjóri framkvæmdasviðs

Landsnet – Unnur Helga Kristjánsdóttir, forstöðumaður framkvæmda

Orka náttúrunnar – Hildigunnur Jónsdóttir, forstöðumaður tækniþróunar

Faxaflóahafnir – Gunnar Tryggvason, aðstoðarhafnarstjóri Faxaflóahafna

ISAVIA – Guðmundur Þórðarson, yfirverkefnastjóri stækkunarverkefnis Flugstöðvar á Keflavík

Vegagerðin – Óskar Örn Jónsson, forstöðumaður framkvæmdadeildar

Framkvæmdasýsla ríkisins – Guðrún Ingvarsdóttir, forstjóri

Hringbrautarverkefnið NSLH - Gunnar Svavarsson, framkvæmdastjóri