Vilja meiri rafræna og samræmda stjórnsýslu í mannvirkjagerð
Á öðrum fundi af fjórum Samtaka iðnaðarins og Iðunnar um gæðastjórnun í mannvirkjagerð var fjallað um rafræna og samræmda stjórnsýslu í mannvirkjagerð. Góð mæting var á fundinn og kom fram á fundinum að mannvirkjageirinn kalli eftir meiri rafrænni og ekki síður samræmdri stjórnsýslu í mannvirkjagerð en því miður sé lítið sem ekkert samræmi og mörg mismunandi „kerfi“ í gangi í dag. Í umræðum í lok fundar kom fram ánægja fundarmanna með fundinn og mikill áhugi á enn meira samtali um þetta málefni.
Meðal þess sem kom fram á fundinum var að fulltrúar byggingarfulltrúaembætta eru fylgjandi meiri rafrænni stjórnsýslu. Báðir fulltrúar sýndu í erindum sínum fram á mikinn tímasparnað og kom meðal annars fram að með því að hætta allri móttöku útprentaðra hönnunargagna og fá þau rafræn gætu sparast allt upp í tvö ársverk.
Fundastjóri var Eyjólfur Bjarnason gæða- og öryggisstjóri hjá Arnarhvoli.
Hér fyrir neðan er hægt að nálgast glærur fundarins:
- Starfsumhverfi í mannvirkjagerð – Björg Ásta Þórðardóttir sviðsstjóri mannvirkjasviðs SI
- Upplýsingatækni í mannvirkjagerð – Kolbrún Rakel Helgadóttir framkvæmdastjóri Ölfusborgar ehf.
- Rafrænir ferlar og samræmt eftirlit, svona eru kerfin hjá okkur
- Árnessýsla - Davíð Sigurðsson byggingafulltrúi Uppsveita Árnessýslu
- Reykjavíkurborg - Búi Bjartmar Aðalsteinsson þjónustuhönnuður hjá Reykjavíkurborg
- Mannvirkjaskrá HMS
