Fréttasafn (Síða 250)

8. mar. 2013 : Útboðsþing - Heldur bjartara framundan en síðustu ár

Útboðsþing Samtaka iðnaðarins var haldið á Grand Hótel Reykjavík í dag. Yfir 100 áhugasamir verktakar hlýddu á fulltrúa helstu framkvæmdaaðila hins opinbera kynna fyrirhugaðar framkvæmdir.

8. mar. 2013 : Breytingar í stjórn LABAK

Aðalfundur Landssambands bakarameistara var haldinn laugardaginn 2. mars. Auk venjulegra aðalfundarstarfa kom Guðmundur Kjerúlf, sérfræðingur hjá Vinnueftirlitinu, á fundinn og flutti erindi um vinnuvernd í fyrirtækjum.

8. mar. 2013 : Óskað eftir tilnefningum til Kuðungsins 2012

Úthlutunarnefnd á vegum umhverfis- og auðlindaráðuneytisins óskar eftir tilnefningum um fyrirtæki eða stofnun, sem vegna verka sinna og athafna á síðasta ári, er þess verðug að hljóta umhverfisviðurkenninguna Kuðunginn fyrir árið 2012.

6. mar. 2013 : Meirihluti áfram andsnúinn aðild

Ný könnun Capacent Gallup fyrir Samtök iðnaðarins um viðhorf til til aðildar að Evrópusambandinu og aðildarviðræðna gefur til kynna að 58,5% séu andvígir aðild en 25,,1% hlynnt. Þessar tölur eru svipaðar og komu fram í sambærilegri könnun sem unnin var árið 2012.

1. mar. 2013 : Mikill hugur í málm- og véltækniiðnaðnum

Samtök málm- og véltæknifyrirtækja – MÁLMUR – ásamt Samtökum iðnaðarins gengust fyrir ráðstefnu síðasta dag febrúarmánaðar.Þar var greint var frá helstu viðfangsefnum innan greinarinnar og ný mótaðri stefnu sem unnið verður eftir næstu fimm árin og miðar að því efla íslenskan málmiðnað til enn stærri átaka og meiri samkeppni á alþjóða markaði.

1. mar. 2013 : Sykurskattur tekur gildi í dag

Í dag taka gildi lög sem Alþingi samþykkti rétt fyrir jól og fela í sér hækkanir á gjöldum á margvíslegum matvælum. Um er að ræða hækkun á vörugjöldum á sykruðum vörum. Búast má við að þessi hækkun leiði til hækkunar á matvöruverði og muni koma fram í vísitölu neysluverðs fljótlega.

26. feb. 2013 : Niðurstöður Íslensku ánægjuvogarinnar kynntar

Niðurstöður Íslensku ánægjuvogarinnar 2012 voru kynntar þann 21. febrúar 2013 og er þetta fjórtánda árið sem ánægja viðskiptavina íslenskra fyrirtækja er mæld með þessum hætti. Hæstu einkunn allra fyrirtækja árið 2012 hlaut Nova, 71,6 stig af 100 mögulegum.

22. feb. 2013 : Kaka ársins komin í bakarí

Kaka ársins 2013 er kynnt í bakaríum innan Landssambands bakarameistara nú um helgina. Höfundur kökunnar, sem nefnist Rjómakókosdraumur, er Stefán Hrafn Sigfússon, bakari. Höfundurinn og Jóhannes Felixson, formaður Landssambands bakarameistara, afhentu Vilborgu Örnu Gissurardóttur, pólfara, fyrstu kökuna á samkomu sem vinir Vilborgar héldu henni til heiðurs á Kex hosteli í gærkvöld.

21. feb. 2013 : Erlendur Steinn Guðnason tekur við framkvæmdastjórastarfinu af Svönu Helen Björnsdóttur

Erlendur Steinn Guðnason hefur verið ráðinn framkvæmdastjóri hugbúnaðar- og ráðgjafarfyrirtækisins Stika. Erlendur tekur við starfinu af Svönu Helen Björnsdóttur sem tekið hefur sæti sem starfandi stjórnarformaður Stika.

20. feb. 2013 : Í kjöri til stjórnar Samtaka iðnaðarins

Á aðalfundi Samtaka iðnaðarins 14. mars næstkomandi verður kosið til stjórnar. Árlega er kosið um formann og að þessu sinni er kosið um fjögur almenn stjórnarsæti. Rafræn kosning fer fram dagana 28. febrúar til hádegis 13. mars.

18. feb. 2013 : Samstaða um skattalega hvata á Tækni- og hugverkaþingi

Tækni- og hugverkaþing 2013 fór fram í Salnum, Kópavogi sl. föstudag. Á fundinum kynntu sex stjórnmálaflokkar tillögur sínar að umbótum á starfsumhverfi tækni- og hugverkafyrirtækjum. Samstaða er um skattalega hvata til að efla vöxt lítilla og meðalstórra fyrirtækja og aðgerðaáætlun um eflingu verk- og tæknináms.

18. feb. 2013 : Jóhann Hauksson Trésmíði öðlast D – Vottun

Jóhann Hauksson Trésmíði hefur staðist úttekt á fyrsta þrepi áfangaskiptrar gæðavottunar Samtaka iðnaðarins og hlotið D-vottun. D-vottun er fyrsti hluti gæðavottunarkerfis SI sem tekið er upp í fjórum áföngum. Með gæðavottunarkerfinu er stefnt að því að gera rekstur fyrirtækja skilvirkari.

14. feb. 2013 : Um 5 þúsund manns á UT messu 2013

Um 5 þúsund manns mættu á opið hús UT messunnar laugardaginn 9. febrúar. Yfir 700 manns voru á ráðstefnu UTmessunnar sem haldin var á föstudeginum og tókst gífurlega vel.

13. feb. 2013 : Skattfrádráttur vegna nýsköpunar

Nýsköpunarverkefni, sem hlotið hafa staðfestingu frá Rannís eiga rétt á sérstökum skattfrádrætti vegna nýsköpunar. Með opinberum stuðningi er átt við skattfrádrátt og styrki frá opinberum aðilum, samanlagt. Njóti verkefnið opinberra styrkja hafa þeir áhrif á fjárhæð skattfrádráttar.

8. feb. 2013 : Fjölmörg iðnfyrirtæki á lista Creditinfo yfir Framúrskarandi fyrirtæki

Framúrskarandi fyrirtæki ársins voru verðlaunuð í gær, en verðlaunin byggja á greiningu Creditinfo um styrk- og stöðugleika fyrirtækja miðað við ýmsar lykiltölur og breytur. Medis hf. fékk viðurkenningu fyrir að vera í efsta sæti á lista yfir Framúrskarandi fyrirtæki 2012 og tók Valur Ragnarsson framkvæmdastjóri fyrirtækisins við viðurkenningunni úr hendi fjármálaráðherra, Katrínar Júlíusdóttur.

8. feb. 2013 : Mentis Cura opnar greiningarmiðstöð

Mentis Cura opnaði í gær greiningarmiðstöð í Álftamýri þar sem fyrirtækið mun greina heilabilunarsjúkdóma. Ólafur Ragnar Grímsson, forseti Íslands, opnaði miðstöðina formlega.

6. feb. 2013 : Styrkir og fjármögnun til fyrirtækja

Í síðasta tölublaði Íslensks iðnaðar eru kynntir tveir áhugaverðir kostir til styrkja og fjármögnunar. Annars vegar er um að ræða NOPEF, stofnun sem heyrir undir Norrænu ráðherranefndina, og hins vegar verkefnið Átak til atvinnusköpunar, styrkáætlun atvinnuvega- og nýsköpunarráðuneytisins.

6. feb. 2013 : Virðisaukaskattur á bækur og tímarit

Vegna umfjöllunar í Morgunblaðinu um virðisaukaskatt á bækur 3. febrúar sl. vilja Félag bókagerðarmanna og Samtök iðnaðarins koma því á framfæri að þau styðja málarekstur Odda gegn íslenska ríkinu að fá því hnekkt að lagður sé 25,5% virðisaukaskattur á bækur prentaðar hér á landi og ætlaðar til endursölu.

29. jan. 2013 : Vinnumarkaðurinn fær öflugan liðsstyrk

Liðsstyrkur er nýtt átaksverkefni Samtaka atvinnulífsins, stéttarfélaga, sveitarfélaga og ríkisins. Markmið verkefnisins er að auðvelda atvinnurekendum nýráðningar á fólki sem hefur verið lengi án vinnu með myndarlegu mótframlagi. Fyrirtækin í landinu gegna lykilhlutverki í átakinu en stefnt er að því að þau skapi 1.320 ný störf fyrir langtímaatvinnulausa á næstu mánuðum af alls 2.200 störfum.

29. jan. 2013 : Spennandi og vel borguð störf í tölvugeiranum

Dagana 8.-9. febrúar verður UTmessan 2013 haldin í Hörpu. Hún felur í sér marga viðburði sem allir styðja við það markmið að sýna hve stór og fjölbreyttur tölvugeirinn á Íslandi. Búið er að gera myndband með viðtölum við nemendur í tölvugreinum og útskrifaða.

Fréttasafn