Grein eftir Sigmar Guðbjörnsson, framkvæmdstjóra Stjörnu-Odda og formann Samtaka sprotafyrirtækja um fjármögnunarumhverfi fyrirtækja birtist í Morgunblaðinu í gær. Fleiri greinar eftir Sigmar um málefnið munu birtast í blaðinu á næstunni.
Námsvísir IÐUNNAR fyrir haustönn 2012 er kominn út. Í námsvísinum er að finna fjölda námskeiða í margvíslegum greinum.
Dagarnir 22.-26. október eru helgaðir vinnuvernd en þá fer fram viðamikil dagskrá um vinnuvernd út um alla Evrópu undir yfirskriftinni Vinnuvernd - allir vinna. Vinnuverndarvikan er haldin árlega en hluti af henni er ráðstefna á Grand Hótel Reykjavík þriðjudaginn 23. október. Tilgangur vinnuverndarvikunnar að gera vinnustaði heilsusamlegri og öruggari.
Samtök iðnaðarins, Samtök mjólkur- og kjötvinnslufyrirtækja og Samtök afurðastöðva í mjólkuriðnaði stóðu fyrir morgunverðarfundi um landfræðilegar merkingar á Grand Hótel Reykjavík í morgun. Á fundinum kom glögglega fram nauðsyn þess að farið sé að vinna af fullri alvöru í þessum málaflokki og að sett verði löggjöf um vernd landfræðilegra merkinga á Íslandi eigi íslenskar útflutningsvörur að geta aðgreint sig á erlendum mörkuðum.
Landssamband bakarameistara (LABAK) og Hjartavernd taka saman höndum um að stuðla að heilsusamlegri brauðneyslu þjóðarinnar. Markmiðið með samvinnu LABAK og Hjartaverndar er að vekja athygli á hollustu heilkornabrauða og mikilvægi þess að draga úr salt- og sykurneyslu.
Átakinu „Allir vinna“ hefur verið framlengt til 1. janúar 2013. Endurgreiðsla virðisaukaskatts verður áfram 100% á árinu 2012 en heimild til lækkunar tekjuskattsstofns hefur verið felld niður. Heimildin nær til byggjenda og eigenda íbúðarhúsnæðis og frístundahúsnæðis, auk húsnæðis sem er alfarið í eigu sveitarfélaga eða stofnana og félaga sem alfarið eru í eigu sveitarfélaga.
Samtök iðnaðarins stóðu nýverið fyrir talningu íbúða í byggingu á höfuðborgarsvæðinu. Niðurstaðan er sú að íbúðir í fjölbýli, sem eru fokheldar og lengra komnar, eru 545 talsins. Þar af eru ekki nema 192 íbúðir íbúðarhæfar (á byggingarstigi 6 og 7 samkvæmt ÍST,51).
Iðnaðarráðuneytið auglýsir eftir umsóknum um styrki úr verkefninu Átaki atvinnusköpunar.
Átak til atvinnusköpunar veitir styrki til nýsköpunarverkefna og markaðsaðgerða starfandi frumkvöðla og nýsköpunarfyrirtækja.
Kjarnafæði hefur staðist úttekt á fyrsta þrepi áfangaskiptrar gæðavottunar Samtaka iðnaðarins og hlotið D-vottun. D-vottun er fyrsti hluti gæðavottunarkerfis SI sem tekið er upp í fjórum áföngum. Í því felst að rekstur fyrirtækis er gerður skilvirkari.
Svana Helen Björnsdóttir, formaður SI skrifar grein í Fréttablaðið í dag þar sem hún veltir fyrir sér orsökum atvinnuleysis á Íslandi og hvaða stefnu er rétt að taka til að vinna bug á því.
Það sárvantar forritara og annað tæknimenntað fólk hér á landi, eins og annars staðar í heiminum. Það má gera ráð fyrir að íslensk fyrirtæki vanti um þúsund manns á ári. Ólafur Andri Ragnarsson, aðjúnkt við Háskólann í Reykjavík og hönnunarstjóri hjá Betware, var gestur Morgunútvarpsins 10. ágúst sl. Þar sagði hann mikilvægt að reynt verði að mæta þessari þörf.
Íslensk ellefu ára stúlka, Ólína Helga Sverrisdóttir, bar sigur úr býtum í sínum aldursflokki í bandarískri keppni, Alice Challenge, en í henni átti að forrita sögu sem hvetur ungt fólk til að gæta öryggis á netinu. Luis E. Arreaga sendiherra Bandaríkjanna á íslandi afhenti Ólínu Helgu verðlaunin í sendiráðinu.
Íslenska fyrirtækið Carbon Recycling International hefur fengið einkaleyfi í Bandaríkjunum á framleiðsluaðferð fyrirtækisins á endurnýjanlegu metanóli. Einkaleyfið er mikilvæg staðfesting á brautryðjendastarfi fyrirtækisins.
Svana Helen Björnsdóttir, formaður SI skrifar grein í Fréttablaðið í dag um síhækkandi skatta og versnandi rekstrarumhverfi íslenska fyrirtækja og lífskjör almennings. Samkvæmt gögnum sem KPMG hefur tekið saman hafa skattar á fyrirtæki og einstaklinga hækkað um þriðjung frá árinu 2008.
Grein eftir Orra Hauksson, framkvæmdastjóra SI birt í Morgunblaðinu sl. laugardag: Efnahagsráðherra hafði hárrétt fyrir sér þegar hann í kvöldfréttum RÚV hinn 17. júlí sl. benti á að íslensku hagkerfi stafaði rík hætta af hnignandi efnahagshorfum helstu viðskiptaþjóða okkar. Fá þróuð ríki flytja jafnmikið út af eigin framleiðslu og Ísland.
Samtök iðnaðarins
minna á að umsóknarfestur vegna skattafrádráttar rannsókna- og þróunarverkefna
fyrir árið 2012 er til 1. septembers n.k. Rannís
tekur á móti og sér um umsóknir.
Fyrsti fundur ráðgjafanefndar Íslands og Evrópusambandsins (ESB) fór fram í Reykjavík þann 13. júlí 2012. Tólf aðilar skipa ráðgjafanefndina, sex frá hvorum samningsaðila. Að auki sátu fundinn fulltrúar efnahags- og félagsmálanefndar Evrópusambandsins (EESC), aðilar vinnumarkaðarins og ýmissa félagasamtaka sem og áheyrnarfulltrúar frá báðum samningsaðilum.
CCP tók í síðustu viku við verðlaunum evrópska leikjaiðnaðarins á Developráðstefnunni í Bretlandi. CCP var tilnefnt í flokknum „Best Independent Studio“, sem er ætlaður sjálfstæðum leikjaframleiðendum í Evrópu.
Samtök iðnaðarins bjóða fyrirtækjum að taka þátt í þriggja mánaða prógrammi sem miðar að því að fara í gegnum stöðu, stefnu og framtíðarsýn fyrirtækja með tækifæri og nýsköpun að leiðarljósi. Prógrammið er unnið í samvinnu við Klak – Nýsköpunarmiðstöð atvinnulífsins, Háskólann í Reykjavík og Háskóla Íslands og er rekið sem hluti af Viðskiptasmiðju Klaks.
Fjarðaál flutti út vörur fyrir um 95 milljarða króna á síðasta ári. Ál nemur um 40% af öllum vöruútflutningi frá landinu, sem er svipað hlutfall og útflutningur sjávarafurða, og nemur hlutur Fjarðaáls í honum um 17 prósentum. Ekkert annað fyrirtæki flytur út meira vörumagn. Þetta er meðal þess sem fram kemur í yfirliti Fjarðaáls um helstu hagstærðir í starfsemi álversins á síðasta ári og nýlega voru gefnar út.
