Fréttasafn (Síða 263)

Verkfræðingafélag Íslands verður 100 ára á komandi ári. Af því tilefni hefur stjórn félagsins ákveðið að veita viðurkenningu fyrir framúrskarandi árangur við tæknilegar uppfinningar eða nýsköpunarverkefni, sem hafa haft þjóðhagslegt eða alþjóðlegt mikilvægi og byggja á þekkingu í raunvísindum og tækni.

Í dag var staðfestur samningur um sameiningu SART, Samtaka rafverktaka og SI, Samtaka iðnaðarins. Helgi Magnússon, formaður SI og Jens Pétur Jóhannsson, formaður SART skrifuðu undir samninginn á skrifstofu SI síðdegis í dag.

Uppskeruhátíð Árs nýsköpunar var haldin í Listasafni Reykjavíkur sl. miðvikudag. En átakinu var hleypt af stokkunum í Marel 29. október fyrir ári síðan. Uppskeruhátíðin var vel sótt en til hennar  var boðið félagsmönnum SI og samstarfsaðilum.

Íslenska hátæknifyrirtækið Carbon Recycling International hefur hafið framleiðslu á vistvænu eldsneyti úr koltvísýringsútblæstri og orku frá jarðvarma. Verksmiðja CRI, sem er við Svartsengi, er sú fyrsta sinnar tegundar í heiminum sem framleiðir eldsneyti með því að endurvinna koltvísýring.

Hilmar Veigar Pétursson, CCP var endurkjörinn formaður á aðalfundi SUT – Samtaka íslenskra upplýsingatæknifyrirtækja sem haldinn var í gær.

Verkiðn, samtök um keppnir í iðn- og verkgreinum stóð fyrir hátíðarfundi að lokinni World Skills International sem haldin var í London 2011. World Skills er alþjóðleg í starfsgreinum sem haldin er annað hvert ár og verður næst í 2013 í Leipzig í Þýskalandi.

Alþjóðleg athafnavika fer fram dagana 14. – 20. nóvember 2011 og tengir saman fólk og hugmyndir um allan heim, þvert á öll landamæri og menningarstrauma.

Boðað er til aðalfundar Samtaka upplýsingatæknifyrirtækja (SUT) fimmtudaginn 17. nóvember nk. í Húsi atvinnulífsins Borgartúni 35, 6. hæð.

Samtök iðnaðarins bjóða félagsmönnum sínum, starfsfólki þeirra og samstarfsaðilum til Uppskeruhátíðar á Ári nýsköpunar.

Samtök íslenskra líftæknifyrirtækja, SÍL, hélt aðalfund sinn í liðinni viku. Fundurinn var haldin í húsakynnum Matís. Fyrirtækin Matís, Kerecis, DIS og Prokazyme kynntu starfsemi sína, en þau eru öll með aðstöðu í húsinu. Spennandi verkefni og miklir vaxtamöguleikar virðast vera hjá fyrirtækjunum.

Sýningin HANDVERK OG HÖNNUN  í Ráðhúsi Reykjavíkur 2011 var opnuð þann 3. nóvember að viðstöddu fjölmenni. Þetta er í sjötta sinn sem sýningin er haldin og hefur gróskan og fjölbreytnin aldrei verið meiri, en 63 aðilar sýna verk sín.

BOXIÐ – framkvæmdakeppni framhaldsskólanna fór fram í Háskólanum í Reykjavík sl. laugardag. Átta skólar tóku þátt í æsispennandi keppni sem lauk með sigri Verslunarskóla Íslands. Markmið keppninnar sem nú var haldin í fyrsta sinn er að kynna og vekja áhuga á tækni, tækninámi og störfum í iðnaði.

Samtök iðnaðarins hafa sent bréf til Fjármálaeftirlitsins þar sem farið er fram á að það beini þeim tilmælum til lánastofnana að þær virði skýra og afdráttarlausa niðurstöðu Hæstaréttar, gefi út sambærileg tilmæli til lánastofnana og gefnar voru út til þeirra, þann 30.06.2010 og 14.09.2010 og kalli eftir upplýsingum frá lánastofnunum um lausafjárstöðu og eiginfjárstöðu þeirra.

Næstkomandi laugardag fer BOXIÐ - framkvæmdakeppni framhaldsskólanna, fram í Háskólanum í Reykjavík en markmið keppninnar er að kynna og vekja áhuga á tækni, tækninámi og störfum í iðnaði.

Ráðstefna og sýning í tengslum við verkefnið Hönnun í útflutning

verður haldin í  höfuðstöðvum Arion Banka 9. nóvember nk. milli kl. 9:30 – 13:30. Á ráðstefnunni mun Anders Fanö frá Dansk Design Center, fjallar um reynslu DDC af þeirri verðmætasköpun sem felst í samstarfi hönnuða og fyrirtækja auk þess sem Thomas Harrit frá hinni margverðlaunuðu hönnunarstofu Harrit-Sörensen ApS segir frá árangursríkum verkefnum fyrirtækisins.

Samtök iðnaðarins og forseti Íslands, hr. Ólafur Ragnar Grímsson heimsóttu Fjölbrautarskóla Suðurlands og fyrirtæki á Selfossi og í Hveragerði í gær. Örlygur Karlsson skólameistari FSu tók á móti Orra Haukssyni, framkvæmdastjóra SI og Ólafi Ragnari Grímssyni, forseta Íslands og sýndi þeim m.a. annars Hamar, verknámshús skólans þar sem þeim gafst tækifæri til að spjalla við nemendur.

Mentor hlaut Nýsköpunarverðlaun Íslands árið 2011 sem afhent voru á Nýsköpunarþingi í gær. Vilborg Einarsdóttir, framkvæmdastjóri og einn af frumkvöðlum fyrirtækisins veitt verðlaununum viðtöku ásamt starfsfólki sínu.  

Seðlabanki Íslands hækkaði í morgun stýrivesti um 0,25 prósentur. Bjarni Már Gylfason, hagfræðingur SI, segir að þessi ákvörðun bankans hafi komið verulega á óvart og sé ekki í takt við það sem búist var við eða sé í takti við það sem undirliggjandi efnahagsástand gefi tilefni til.

Mánudaginn sl. afhenti Katrín Jakobsdóttir mennta- og menningarmálaráðherra í fyrsta sinn vilyrði fyrir styrkjum til vinnustaðanáms. Um er að ræða styrki til fyrirtækja eða stofnana sem taka nemendur í vinnustaðanám og starfsþjálfun á vinnustað á grundvelli aðalnámskrár framhaldsskóla.

Lið átta skóla etja kappi í BOXINU – framkvæmdakeppni framhaldsskólanna 5. nóvember nk. Fjórtán skólar víðsvegar af landinu sendu lið í keppnina. Þau tóku þátt í forkeppni þar sem átta efstu liðin komust áfram