Fréttasafn (Síða 126)

Vegagerðin gefur reglulega út Framkvæmdafréttir. Þar eru auglýst fyrirhuguð útboð og jafnframt greint frá niðurstöðum fyrri útboða. Samanburður á síðasta tölublaði og tölublaði frá sama tíma fyrir ári gefur ógnvekjandi mynd af ástandi á verktakamarkaði.

Um miðjan september sl. var blásið til árlegrar liðakeppni milli Norðurlandaþjóðanna í kaffigreinum, undir heitinu Nordic Barista Cup (NBC). Þetta mót var fyrst haldið árið 2003 með það að markmiði að kaffibarþjónar, brennslumeistarar, kaffihúsaeigendur og aðrir tengdir sælkerakaffi geti komið saman, lært eitthvað nýtt og haft gaman.

Með dómi Hæstaréttar fimmtudaginn 5. nóvember sl. var byggingarstjóri dæmdur til að greiða íbúðareigendum skaðabætur vegna galla á fjöleignarhúsi. Í dóminum, sem var fjölskipaður, var því slegið föstu að á byggingarstjóra hvíli ekki aðeins að sjá til þess að byggt sé í samræmi við samþykkta uppdrætti, lög og reglugerðir, heldur einnig skylda til að hafa yfirumsjón og eftirlit með byggingarframkvæmdum sem hann stýrir.

Þann 5.nóv nk. kl. 20:30 fer af stað fyrsta árlega íslenska samkeppnin í tölvuleikjagerð, IGIA10, í Hugmyndahúsinu, Grandagarði 2. Keppnin er haldin af samtökum leikjaframleiðenda á Íslandi (IGI) og er afrakstur vinnu sjálfboðahóps samtakanna undanfarna mánuði.

Nýlega kom um 20 nemenda hópur úr Ölduselsskóla í heimsókn til málmiðnaðarfyrirtækisins Héðins í Hafnarfirði. Forstjórinn, Guðmundur Sveinsson, tók á móti hópnum, fræddi unga fólkið um fyrirtækið og leiddi það um sali. Samtök iðnaðarins skipulögðu heimsóknina og leigðu rútu.

Um miðjan október var opnaður vefur um rafræn viðskipti þar sem fjallað er um miðlun viðskiptaskeyta á milli aðila í íslensku umhverfi.

Fríða Jónsdóttir gullsmiður hlaut Skúlaverðlaunin 2009 fyrir verkið “Fjölin hennar ömmu” á sýningunni HANDVERK OG HÖNNUN í Ráðhúsinu. Verðlaunin eru styrkt af SI og framkvæmdastjóri samtakanna, Jón Steindór Valdimarsson afhenti þau sl. föstudag.  

Eitt af því sem skapar núverandi vanda á nýbyggingamarkaði er lítið framboð af ódýru húsnæði. Nægt fjármagn, mikil kaupgeta og hækkandi lóðaverð síðastliðin ár varð til þess að of mikið var byggt af stórum lúxusíbúðum. Skipulagsyfirvöld þurfa því að hugsa dæmið upp á nýtt og bjóða lóðir þar sem hægt verður að byggja 2ja og 3ja herbergja íbúðir á ódýrari hátt en verið hefur.

Forsætisráðherra og fjármálaráðherra hafa fyrir hönd ríkisstjórnarinnar sent frá sér yfirlýsingu um framgang stöðugleikasáttmálans frá 25. júní sl.

Þórólfur Árnason, forstjóri SKÝRR, var endurkjörinn formaður Samtaka upplýsingatæknifyrirtækja - SUT - á aðalfundi í morgun en Þórólfur tók við formennsku SUT á síðasta ári af Eggerti Claessen.

Rannsóknasetur um smáríki og Evrópusamtökin bjóða til hádegisfundar í Kornhlöðunni (bak við Lækjarbrekku) þriðjudaginn 27. október frá kl. 12 til 13:30 með Dr. Simon Busuttil, Evrópuþingmanni frá Möltu, og Dr. Roderick Pace, stjórnmálafræðiprófessor við Möltuháskóla.

Framtíð stöðugleikasáttmálans ræðst sennilega í dag og á morgun ræðst hvort kjarasamningi verður sagt upp eða ekki. Mikið er í húfi og ekki verður öðru trúað að óreyndu en ríksstjórnin komi til móts við aðila vinnumarkaðarins. Samtök atvinnulífsins sendu í gær frá sér upplýsingar til félagsmanna.

Ársfundur ASÍ stendur nú yfir. Í gær flutti félagsmálaráðherra ræðu þar sem hann hefur væntanlega ætlað að gefa tóninn fyrir lokasprettinn til að halda lífinu í stöðugleikasáttmálanum. Vonandi er ræða hans ekki til marks um viðhorf ríkisstjórnarinnar í þeim efnum.

Á síðasta sviðsstjórnarfundi prenttæknisviðs létu þeir Sveinbjörn Hjálmarsson og Kristján G. Bergþórsson af setu í sviðsstjórn. Í þeirra stað koma Sölvi Sveinbjörnsson og Guðbrandur Magnússon.

Í samstarfi Hátækni- og sprotavettvangs, þingflokka stjórnmálaflokka, ráðuneyta iðnaðar, utanríkis, mennta- og fjármála, háskóla og aðila stoðkerfis og atvinnulífs verður efnt til Hátækni-og sprotaþings 2009 föstudaginn 6. nóvember nk. Á þinginu verður fjallað um stöðu og starfsskilyrði hátækni- og sprotafyrirtækja á Íslandi.

Íslendingar þurfa að gera það upp við sig hvort þeir ætla að freista þess að koma sér hratt upp úr kreppunni eða stefna enn lengra niður í öldudal tekjuminnkunar, atvinnuleysis, niðurskurðar, skattpíningar og samdráttar. Til þess að leiðin geti legið hratt upp þarf að nýta þau tækifæri sem við höfum til nýrrar verðmætasköpunar í atvinnulífinu á næstu misserum. Þetta segir Helgi Magnússon, formaður SI í grein í Morgunblaðinu í dag.

Um 100 tonn af íslensku sælgæti er flutt út árlega. Þetta kemur fram í frétt á mbl.is. Það eru Nói Siríus og Freyja sem selja mest úr landi af íslensku sælgætisframleiðendunum. Forsvarsmenn fyrirtækjanna verða varir við mikinn áhuga erlendis frá en þau selja mikið til Norðurlandanna auk þess sem Nói selur m.a. til Whole Foods í Bandaríkjunum.

Á þriðja tug fyrirtækja mættu á fund um handleiðsluverkefni fyrir meðlimi Samtaka upplýsingatæknifyrirtækja (SUT) sem Útflutningsráð Íslands og SUT stóðu fyrir í síðustu viku.

Samtök iðnaðarins auglýsa styrki til iðnfyrirtækja sem annast vinnustaðakennslu. Styrkirnir eru veittir til að efla kennslu og þjálfun í iðngreinum sem fyrirtæki hafa þörf fyrir en erfitt er að fá nemendur í.

Í spjallþættinum Hrafnaþing, sl. föstudag tók framkvæmdastjóri SI þátt í umræðum svokallaðrar Heimastjórnar. „Þar varð mér fótaskortur í fullyrðingum um skattgreiðslur útgerðarfyrirtækja“, segir Jón Steindór, „það er mér bæði ljúft og skylt að leiðrétta.“