Fréttasafn: 2010 (Síða 8)

Prentsmiðjan Oddi hlaut Kuðunginn, umhverfisviðurkenningu umhverfisráðuneytisins fyrir framlag fyrirtækisins árið 2009. Þóra Hirst, gæðastjóri prentsmiðjunnar veitti viðrkenningunni viðtöku.

Bólsturverk og Zenus bólstrun og Sóló húsgögn hafa nýverið lokið við framleiðslu á 500 fell­anlegum stólum fyrir HOF, nýja menningarhúsið á Akureyri. Framleiðsla og bólstrun stólanna er kærkomið samstarfs­verk­efni fyrir íslenska framleiðendur og bólstrara.

CCP hlaut í dag Útflutningsverðlaun forseta Íslands. Hilmar Veigar Pétursson forstjóri veitti verðlaununum viðtöku við hátíðlega athöfn á Bessastöðum.

Samdráttur og efnahagserfiðleikar gera mörgum félagsmönnum SI erfitt fyrir og leiða til verulegs samdráttar í rekstri og gjaldþrota í verstu tilvikum. Á síðustu misserum hefur verið leitað allra leiða til þess að auka þjónustu og baráttu SI fyrir bættum starfsskilyrðum samtímis því að hagræða í eigin rekstri.

Almennur félagsfundur SI fór fram á Grand hóteli í gær. Yfirskrift fundarins var Aðildarviðræður við ESB – samningaferlið. Tilgangur fundarins var að ræða um samningaviðræður Íslands og ESB um aðild Íslands að ESB. Svana Helen Björnsdóttir, forstjóri Stika og Stefán Haukur Jóhannesson sem fer fyrir samninganefnd Íslands héldu erindi.

Um mitt árið 2008 var settur saman vinnuhópur á vegum Samtaka iðnaðarins sem fékk það verkefni að leita leiða til að einfalda og bæta vinnu hönnuða og ljósmyndara í forvinnslu fyrir prentverk. Eitt að markmiðum hópsins var að prentsmiðjur réðu meiru um hina endanlegu útkomu prentverksins en áður hefur verið.

Samtök íslenskra líftæknifyrirtækja,SÍL, standa fyrir málstofu um einkaleyfi í líftækni á Grand Hóteli Reykjavík 16. apríl kl. 08.30 - 12.00. Markmið málstofunnar er að auka þekkingu og skilning á einkaleyfum fyrir líftækni.

Fyrirtækið Remake Electric hlaut frumkvöðlaverðlaun Innovit, Gulleggið, fyrir tækið Rafskynjarann. Hann gefur hljóðviðvaranir við yfirálag rafmagns sem skapar m.a. möguleika til þess að fyrirbyggja eldsvoða vegna rafmagns.

Skiptar skoðanir eru um hugmyndir samgönguráðherra um gjaldtöku eða vegatolla á helstu umferðaræðum út úr höfuðborginni. Margir líta svo á að þetta komi arðbærum verkefnum á sviði samgangna af stað og örvi hagkerfið meðan aðrir telja að með þessu sé verið að skattleggja landsyggðarfólk umfram íbúa á höfuðborgarsvæðinu. Sigþór Sigurðsson, formaður Mannvirkis skrifaði grein um málið sem birtist á visir.is í dag.

Norrænu fjármögnungarsjóðirnir NEFCO og NOPEF efna til kynningar á starfsemi sjóðanna og möguleikum íslenskra fyrirtækja til að sækja um stuðning á Hótel Nordica Reykjavík fimmtudaginn 15. apríl kl. 08.00–10.00.

Fimmtudaginn 15. apríl og föstudaginn 16. apríl verður ráðstefna í Salnum, Kópavogi. Á ráðstefnunni verður fjallað um stuðning ESB við efnahags- og atvinnulíf í aðildarríkjunum og aðgerðir til að auka samkeppnishæfni svæða. Ráðstefnan fer fram á ensku og aðgangur er ókeypis. 

Samtök iðnaðarins boða til almenns félagsfundar miðvikudaginn 14. apríl kl. 8.30 - 10.00 í Hvammi á Grand Hótel Reykjavík. Tilgangur fundarins er að ræða um samningaviðræður Íslands og ESB um aðild Íslands að ESB. Samningaferlið, samningsmarkmið og hagsmunir iðnaðarins verða til umfjöllunar.

Nái nýtt frumvarp fram að ganga verður kostnaður vegna viðhalds fasteigna frádráttarbær frá skatti einstaklinga. Þetta er nýjung sem kemur til viðbótar 100% endurgreiðslu VSK af vinnu á byggingastað. Endurgreiðslurnar eru tímabundnar og er ætlað að hvetja fólk til framkvæmda.

Veigamikil endurnýjun á framleiðslubúnaði fer fram í fóðurverksmiðjunni Bústólpa á Akureyri nú í vor. Með nýrri vinnslutækni tvöfaldast afkastageta verksmiðjunnar, unnt verður að framleiða orkuríkara og efnameira fóður miðað við rúmmál, ásamt því að fóðurgildi þess eykst. Áfanginn er sá stærsti í þriggja ára endurnýjunaráætlun sem stjórn Bústólpa ákvað að ráðast í árið 2007 og hefur markvisst verið unnið eftir síðan.

Nú er rifist um það hvort stöðugleikasáttmálinn var svikinn mikið eða lítið. Rifist um það hvort hann var svikinn nægilega mikið til að verðskulda uppsögn eða hvort hann var ekki svikinn meira en svo að uppsögn sé ósanngjörn. Helgi Magnússon, formaður SI skrifaði grein um málið í Morgunblaðið um helgina.

Um níutíu framhaldsskólanema tóku þátt í forritunarkeppni framhaldsskólanna um helgina. Tækniskólanemarnir Sveinn Fannar Kristjánsson og Jónatan Óskar Nilsson höfnuðu í fyrsta sæti í Alpha deild keppninnar en auk þeirra var Gabríel Arthúr Pétursson úr Fjölbrautaskóla Snæfellinga í sigurliðinu.

Ný verslun Plastprents hf. hefur opnað að Fosshálsi 17-25 í Reykjavík. Nokkrir innlendir framleiðendur og heildsalar eru í samstarfi við félagið í kringum verslunina en þeir eru m.a. Oddi, Papco, Besta, Takk Hreinlæti o.fl. smærri aðilar. Nýja verslunin hefur fengið nafnið Umbúðin.

Vegna aukafjárveitingar til Nýsköpunarsjóðs námsmanna hefur nú verið ákveðið að auglýsa að nýju eftir umsóknum í sjóðinn. Þetta er kjörið tækifæri fyrir fyrirtæki til að ráða háskólastúdenta til sumarstarfa við nýsköpun og þróun. Frestur til að skila inn umsóknum er mánudagurinn 12. apríl klukkan 16.00. Úthlutun úr sjóðnum liggur síðan fyrir í byrjun maí.

Ögmundur Jónasson leggur í fimmta sinn fram tillögu um að skerða samkeppnisstöðu innlendra bjórframleiðenda gagnvart erlendum. "Vonandi fer fyrir frumvarpi Ögmundar á sama veg og í hin skiptin fjögur, segir framkvæmdastjóri SI.

Nox Medical hlaut Nýsköpunarverðlaun Rannís, Nýsköpunarmiðstöðvar og Útflutningsráðs árið 2010 sem afhent voru á Nýsköpunarþingi í gær. Katrín Júlíusdóttir iðnaðarráðherra afhenti Sveinbirni Höskuldssyni framkvæmdastjóra Nox Medical verðlaunin.